يا جماعة كدة عاوزين نناقش موضوع مهم بالنسبة لينا احنا كتّاب الاسافير الما عندنا اي انتاج منشور خارج النت ...
كيف نحافظ على حقوق ملكيتنا لاي شئ احنا بنكتبو ؟؟
هل يكفي انو الموضوع اتنشر في منتديات مختلفة باسمي عشان يثبت حقي في كلماتي ؟؟
ولا مفروض نعمل لجنة حقوق ملكية اسفيرية تكون مهمتها البحث عن سارقي الحروف ومحاكمتهم ؟؟
طيب لو شخص قرر ( بكل بلادة ) انو يمشي يشيل حروف زول تاني وينسبها لنفسه وينشرها باسمو ..
وقلنا ( بكل بلادة ) لانو حرامي الحروف ما بقدر يستوعب انو النت دة عالم ضيق برغم اتساعو ..
وإنو عمنا ( قوقل ) دة زول قوال خلاص .. وشمشار كمان ...
بس تديهو طرف الموضوع وهو ما يصدق ينزل ليك اي شئ اتكتب عن الموضوع ولو قبل عشرمية سنة ...
طيب في حالة اكتشاف امر السطو الاسفيري دة بالصدفة .. هل يكفي التنبيه لسارق الحروف ام لابد من اجراءات اخرى ؟؟؟
موضوع: موووضوووووووع مهم شديد 
الأحد أبريل 26, 2009 7:27 pm
